Seyran Mirzəzadə

Seyran Mirzəzadə “Portonovi Resort Management” Şirkətinin əməliyyat direktorudur.

Bakıda Ali Diplomatik Kollecin Beynəlxalq Münasibətlər fakültəsini bitirib.

Seyran Mirzəzadə əmək fəaliyyətinə Azərbaycan Respublikasının Xarici İşlər Nazirliyində başlayıb, Azərbaycanın Rumıniya və Monteneqrodakı diplomatik nümayəndəliklərində çalışıb. O, həmçinin Xarici İşlər Nazirliyinin Birinci Ərazi İdarəsinin Birinci Avropa şöbəsinin müdiri və Azərbaycanın Podqoritsadakı müvəqqəti işlər vəkili vəzifələrində çalışıb.

O, Azərbaycan Sahibkarlar Konfederasiyasının Monteneqro, Serbiya, Bosniya və Herseqovina üzrə nümayəndəsi, Şərqi Avropa Azərbaycanlılarının Koordinasiya Şurasının koordinatoru, Avropa Azərbaycanlıları Konqresinin İdarə Heyətinin üzvü, Azərbaycan-Monteneqro Mədəniyyət və İqtisadi Mərkəzinin direktorudur.

O, 2022-ci ilin avqust ayında “Portonovi Resort Management” Şirkətinə İcarə Proqramı üzrə Satış Meneceri kimi qoşulub.

Monteneqro, ingilis və rus dillərini bilir.